02/BASSO
CONTINUO

[Escolma de imaxes]
[Escolma de imaxes]

O basso continuo é un elemento característico da composición barroca. É a estrutura que sostén a polifonía e axuda a dar coherencia ao discurso musical.

No século XX, o termo adquiriu unha nova dimensión polisémica coas ideas de Starobinski: o basso continuo pasou a ser entendido como unha evocación de lugares e ritmos antigos que a modernidade deixa en segundo plano. Indicadores do tempo que pasa e sobrevive, conservando as temporalidades do lugar.

A arte contemporánea en Occidente é unha realidade construída como un concerto grosso, sobre unha liña de baixo estable durante milenios, pero que cada xeración reinterpreta, xerando unha polifonía diversa, adaptada á modernidade.

A partir de aí constrúo un proxecto sinestésico, onde a polisemia da palabra me permite xuntar dous campos de expresión que son antagonistas a primeira vista, pero que xeran a sinerxía que motiva os meus proxectos: a unión do escénico e o plástico xunto co tempo e o seu rexistro.

Basso Continuo é unha serie de dípticos de diferentes esculturas como a Afrodita de Cnido ou a Vitoria de Samotracia. O díptico explora a plasticidade dun elemento obsoleto na fotografía dixital: o negativo.

Este elemento, que permite a reproductibilidade ilimitada dunha imaxe, abre unha porta a unha nova forma de entender a arte desde o século XIX, pero que en realidade xa fora aberta pola Afrodita de Cnido de Praxíteles hai máis de dous mil anos; non conservamos o orixinal, senón un gran número de copias, entre elas a da colección Ludovisi.

Outro tanto ocorre coa Vitoria de Samotracia, da que só unha das súas ás é real, mentres que a outra é unha reprodución invertida da que se conserva.

O negativo dun arquivo dixital preséntase como un espello, un reflexo transformador onde as sombras emerxen da luz mostrando o retrato invertido, o alter ego, revelándonos que o aura de Walter Benjamin estaba morta desde había milenios.

A arte occidental reinterpreta os restos en cada xeración, e este díptico, así como a serie á que pertence, non son máis que un reflexo de nós mesmos mirándonos desde o presente.

Impresión dixital UV de alta definición sobre aluminio composite cepillado (Dibond® ou equivalente), realizada con tintas UV pigmentadas de alta estabilidade cromática e acabado mate satinado.

Medidas variables segundo a obra.

Edición de 4 copias numeradas, 1 proba de autor (P/A) e 1 copia adicional para exposición.

Firmadas no reverso

↑ SUBIR ↑